Ons was geseënd genoeg om die laaste paar jaar ‘n familieplaas te kon geniet. Ons het al die lekkerte van die bosveld daarmee beleef; die vars lug, rustigheid , natuur, wild, en samesyn. Die plaas het ‘n ‘hunkering’ geword waarna ons begin smag het. Wat is dan lekkerder as ‘n naweek wegbreek van werk, stres, jaag en druk? Ons het onsself begin bevind as ‘naweek boertjies’, tussen die 2 wêrelde van dorp – en – plaas. Vir ons was daar die behoefte vir die ‘tussen drag’, as mens nou nie net camo wil lyk nie en ook nie te opgetooi nie.

Daarom is JAGLUS vir die STADSBOER- waar die 2 wêrelde mekaar ontmoet. ‘n Tikkie bosveld in die dorp, en ‘n tikkie dorp in die bos… Stad-tot-plaasdrag! Stylvol genoeg vir ‘n kuier, maar ook prakties en gemaklik genoeg vir die plaas.

VISIE
Ons wil die hunkering en genot van die bosveld dorp toe bring. Die vreugde en rus wat ons voel op die plaas, die afwagting en uitsien na die veld, die samesyn en kuier van ‘n jagnaweek- die JAGLUS.

MISSIE
Om kwaliteit, gemaklike en stylvolle produkte aan die Suid-Afrikaanse STADSBOER te verskaf. Produkte wat eties geproduseer word, eer gee aan die Here, en volhoubaarheid in ag slaan.

ONS WAARDES
JAGLUS is gegrond op Christelike waardes en etos. Die bosveld is tog die plek waar ons die Here ervaar, Sy handewerk aanskou en Sy glorie beleef. Daarom is God die fondament en hoeksteen waarop JAGLUS met hulp van die Here gebou word. Ons het besef dat ons nie sendelinge hoef te wees om vir die Here te werk nie, die Here gee vir ons unieke talente en vaardighede om te gebruik tot Sy eer. JAGLUS wil terugploeg in die Here se werke in en Sy gemeenskap ondersteun. JAGLUS is nie net ‘n kleremaak nie, maar ‘n onderneming met die oog op die Here – Om Sy naam te vereer, en sy koningkryk te vergroot.